Slik blir Olympus’ nye flaggskip-kamera!

Det er ikkje ofte eg kjem med kameranytt her, men i dag gjer eg eit unntak. Olympus ser ut til å ha “lekka” eit PDF-dokument som fortel alt om det lenge etterlengta etterfylgjaren til Olympus E-1. E-1 er mitt noverande kamera, berre så det er sagt. Dokumentet om det nye kameraet, som skal heita E-P1, kan lastast ned her. Det er ikkje så lett å finna på nettet, mange vert tvunge til å fjerna det frå sine nettsider. Spel for galleriet spør du meg. Ein obskur blogg som min havnar neppe i trøbbel. Men tilbake til kameraet. Vasstett, sjølvsagt, raskaste autofokus i verda (så vert det i alle fall hevda) er noko som er verdt å snakka høgt om. Elles ser det ut til å bli på høgd med dei beste kameraa i sin klasse og vel så det. Så no kan eg gleda meg til 3 år fram i tid når eg får råd til det.